УИХ-ын 2020 оны ээлжит сонгуулийн санал хураалт 07.00 цагт албан ёсоор эхэлсэн. Улсын хэмжээнд 29 тойрогт санал авах 2070 байр ажиллаж байгаа юм.
БГД-ийн хоёрдугаар хороо буюу УИХ-ын сонгуулийн 26-р тойргийн тавдугаар хэсгийн санал авах байранд иргэд саналаа өгч байна. Энэ хэсэгт 1966 хүн санал өгөхөөс зөөврийн хайрцагаар гурван иргэн саналаа өгчээ. Хэсгийн хороонд ажиллах бүрэлдэхүүн хэсэг цагтаа бэлэн болж үйл ажиллагаа жигд хэвийн үргэлжилж буй талаар хороон дарга Н.Бүжиймаа мэдээллээ.
