Мексикийн мэргэжлийн бөх, энэ төрлийн спортынхоо домогт тамирчдын нэгт тооцогддог Сезар Гонзалес Баррон Англид болсон шоуны үеэр дэвжээн дээрээ амиа алджээ. “Мөнгөн хаан” хэмээх дэвжээний нэрээрээ алдаршсан тэрээр энэ жил 51 настай аж. Тэрээр Лондоны хойд хэсэгт орших Раундхаус спортын ордны дэвжээн дээр тулаан хийж байгаад дэвжээн дээр хүчтэй унаж улмаар босож ирэлгүй нас баржээ.
Сезар Гонзалес Баррон нь Мексикийн хамгийн алдартай хүмүүсийн нэг бөгөөд спортын ертөнцөөс гадна кино ертөнцөд алдартай нэгэн байжээ. Тэрээр 2005 онд инээдмийн жүжигчин Жек Блэктэй хамт "Суперначо" (Nacho Libre) хэмээх кинонд догшин Рамзесын дүрийг бүтээж байсан байна.
