ОХУ-ын дэд сайдыг 600 сая рубль завшсан хэргээр баривчилжээ

ОХУ-ын дэд сайдыг 600 сая рубль завшсан хэргээр баривчилжээ

ОХУ-ын Эрчим хүчний дэд сайдыг төсвийн мөнгөнөөс 600 гаруй сая рубль завшсан хэргээр баривчилжээ. Түүнчлэн эрчим хүчний сайд Александр Новакын дор ажилладаг найман дэд сайдын нэг Анатоли Тихонов нь мэдээллийн технологийн шинэ системд зориулсан 7.9 сая доллар орчим төсвийн хөрөнгийг зүй бусаар ашигласан хэрэгт буруутгагдаад байгааг тус улсын гэмт хэрэгтэй тэмцэх хамгийн том байгууллага болох Мөрдөн шалгах хорооноос мэдэгдсэн байна.

Тихонов нь 2013-2015 оны хооронд Оросын Эрчим хүчний агентлагийг удирдаж байх үедээ дээрх мөнгийг завшсан гэж “Коммерсантъ” агентлагийн мэдээнд дурдсан байна.

ОХУ-д авилгатай тэмцэхээ  Ерөнхийлөгч В.Путины амласан бөгөөд энэ хүрээнд сүүлийн жилүүдэд тус улсын хэд хэдэн сайд, дэд сайд, өндөр албан тушаалтнууд саатуулагдаад байна.

Эх сурвалж: Коммерсантъ