Тэрэлжээс алга болсон бүсгүйн аав М.Бямба-Өлзий: Охиныг минь эрэн хайх ажиллагаа хэвийн үргэлжилж байна

Тэрэлжээс алга болсон бүсгүйн аав М.Бямба-Өлзий: Охиныг минь эрэн хайх ажиллагаа хэвийн үргэлжилж байна

Налайх дүүргийн VI хорооны нутаг дэвсгэр, “Тэнгэрийн энерги” бясалгалын төвд бясалгал хийж байсан 27 настай эмэгтэй алга болоод өнөөг хүртэл олдоогүй байна..

Түүнийг алга болсон тухай дуудлага ОБЕГ-т долдугаар сарын 31-ний 22:35 цагт ирж, яаралтай эрэн хайх ажиллагааг эхлүүлсэн юм. Ингээд ОБЕГ-ын Гал түймэр унтраах, аврах 28 дугаар анги, Цагдаагийн хэлтсийн алба хаагчид, ар гэрийн хоёр иргэн, цэргийн ангийн албан хаагчид “Тэнгэрийн энерги бясалгалын төв”-ийн ойр, орчмоос эхлээд Тэрэлж хавиар хайсан ч олоогүй. Бүсгүйг олоогүй учир орон даяар эрэн хайх ажиллагааг одоо ч үргэлжлүүлж байна. 

Харин сүүлийн үед уг хэргийн талаарх мэдээлэл намжаад байгаа тул бид алга болсон Б.Оргил бүсгүйн аав М.Бямба-Өлзийтэй холбогдож охиных нь талаар тодрууллаа. Тэрээр “Одоохондоо охины минь талаар ямар нэг сураг ажиг гараагүй байна. Гэхдээ эрэн хайх ажиллагаа хэвийн үргэлжилж байгаа” гэлээ.

Х.ҮҮРИЙНТУЯА