Улаанбаатар хотод батлагдсан тохиолдлын арав гаруй нь Баянзүрх дүүргийн 4, 9, 10 дугаар хорооноос илэрсэн гэх албан бус мэдээлэл байгаа юм. Тэгвэл тус хороодод цаашид коронавирус цар тахлын дэгдэлт нэмэгдэх төлөвтэй байгаа тул Баянзүрх дүүргийн засаг дарга Н.Баярмөнх захирамж гаргаж “автобусны буудал зэрэг газруудад хүний бөөгнөрөл үүсгэхгүй байх. Дүүргийн нутаг дэвсгэрт автомашинаар нэвтрэх 32 цэгийн авто замд шалган нэвтрүүлэх пост ажиллуулах” зэргийг үүрэгджээ.
