Өчигдөр /2020.12.03/ Энхтайвны гүүрэн дээр зам тээврийн гурван осол гарсан байгаа юм. Тухайлбал, “Nissan Navara” маркийн автомашин гүүрний гэрлийн шон, бетон хашлага мөргөсөн, “Toyota Highlander” маркийн автомашин гүүрний гэрлийн шон мөргөсөн байна.
Мөн сүүлийн өдрүүдэд нийслэлийн авто зам дээр мөргөлдсөн гэх дуудлага, мэдээлэл тасрахгүй байгаа ажээ. Тэгвэл хөл хорио тогтоож, дугуй засварын үйл ажиллагааг бүрэн зогсоосон нь жолооч нар өвлийн дугуйгаа сольж чадаагүйгээс зуны дугуйтай авто зам дээр гарч ийнхүү осол нэмэгдэж байхыг үгүйсгэхгүй юм. Мөн сүүлийн өдрүүдэд огцом хүйтэрч, авто зам дээр мөсөн гөлөөн үүсэж байгаа нь автомашины осолтой холбоотой.
