Криштиану Роналду 2020 онд хамгийн олон гоол оруулжээ

Криштиану Роналду 2020 онд хамгийн олон гоол оруулжээ

Италийн "Ювентус" багийн португал довтлогч Криштиану Роналду 2020 онд өрсөлдөгчийнхөө хаалганд 33 гоол оруулжээ. Ингэснээр тэрээр Европын Топ таван лигтээ улирч буй онд хамгийн олон гоол оруулсан тоглогч болов. Германы “Бавари” багийн польш довтлогч Роберт Левандовски 32 гоол оруулсан үзүүлэлтээр хоёрт орсон байна.

Харин Италийн “Лацио”-гийн Чиро Иммобиле 28, Английн “Ливерпүүл”-ийн египет довтлогч Мохамед Салах, Дортмундын “Борусси” багийн Эрлинг Холанд нар 23 гоол оруулсан амжилтаар удаалжээ.

Харин 11 метрийн торгуулийн цохилтоос оруулсан гоолыг оруулахгүйгээр тооцвол Роберт Левандовски 27 гоол оруулсан аж. Э.Холанд (22), К.Роналду (20), Ч.Иммобиле (18), М.Салах (18), Сон Хын Мин («Тоттенхэм» 17) нар араас нь оржээ.

Эх сурвалж: Goal.com