НОК: Үсчин, гоо сайхан,  бүх төрлийн барааны худалдаа МАРГААШААС хэвийн ажиллана

НОК: Үсчин, гоо сайхан, бүх төрлийн барааны худалдаа МАРГААШААС хэвийн ажиллана

Нийслэлийн онцгой комисс /НОК/ өнөөдөр хуралдаж, Улаанбаатар хотод үйл ажиллагаа явуулдаг Үсчин, гоо сайхан, болон бүх төрлийн барааны худалдаа үйлчилгээний үйл ажиллагааг маргааш /2021.02.23/-аас эхлэн хэвийн ажиллуулах шийдвэр гаргасан байна.

НОК-ООС ГАРГАСАН АЛБАН МЭДЭЭЛЭЛД:

"Нийслэлийн хэмжээнд хязгаарлалт тогтоосон салбар, чиглэлүүдийн үйл ажиллагааг үе шаттайгаар эргэн нээх хүрээнд 2021 оны 1 дүгээр сарын 23-ны өдрөөс 

  • Бүх төрлийн барааны худалдаа,
  • Үсчин, гоо сайхан, хумс заслын үйлчилгээг хязгаарлалтаас гаргаж, хэвийн горимд шилжүүлэх Нийслэлийн Засаг даргын захирамж гарлаа. 

Үйл ажиллагаа нь нээгдэж буй аж ахуйн нэгжүүд мэргэжлийн байгууллагуудаас хүргүүлсэн түр заавар, үйл ажиллагаанд баримтлах тусгай шаардлагыг мөрдөнө.  Иргэд халдвар, хамгааллын дэглэмээ сахиж, зорчилт хөдөлгөөний QR бүртгэл ашиглан үйлчлүүлэх шаардлагатай. Өндөржүүлсэн бэлэн байдлын зэрэгт үйл ажиллагаа явуулж буй ААН-үүдэд холбогдох хяналтын байгууллагууд тогтмол шалгалтын ажиллагаа явуулах бөгөөд шаардлага хангахгүй тохиолдолд үйл ажиллагааг зогсоох хүртэл арга хэмжээ авахыг сануулж байна.

Бүх төрлийн барааны худалдаа гэдэгт Нарантуул, Хархорин зэрэг барааны томоохон захууд хамрагдахыг НЗДТГ-ын хэвлэл мэдээлэлтэй харилцах тасгийн дарга тодотголоо. Нийслэлийн Засаг даргын нэгдүгээр орлогч Ж.Сандагсүрэн коронавирусийн халдварын нөхцөл байдлыг харж байж үсчин болон бүх төрлийн барааны худалдаа үйлчилгээний үйл ажиллагааг нээх эсэхийг шийднэ гэж энэ сарын 9-нд болсон хэвлэлийн бага хурлын үеэр хэлж байв. Өнөөдрийн байдлаар улсын хэмжээнд халдварын батлагдсан тохиолдол 1,592 болсон бол үүнээс 1,097 хүн эдгэрч, эмчлэгдэж байгаа 583 хүн байна" гэжээ.




С.Амарсайхан дахин ХУДАЛ ярьсан уу

13 цагийн өмнө

Шуурхай мэдээ
Өнөөдөр байнгын хороод хуралдахгүй

13 цагийн өмнө

Шуурхай мэдээ