Узбекстаны Ташкент хотноо Олон улсын жүдо бөхийн холбоо /IJF/-ны энэ оны 2 дахь цуврал тэмцээн болох “Tashkent Grand Slam 2021” Их дуулгын эрэгтэйчүүдийн 73 кг-д ОУХМ Ц.Цогтбаатар аваргын төлөө Казахстаны жүдоч Смагулов Зансай-тай барилдан торгуулиар цэвэр /иппон/ ялж аварга боллоо.
Тэрбээр хагас шигшээд Узбекистаны Одихон Номоновтой барилдаж давснаар мөнгөн медалийн болзол хангасан юм.
Үнэхээр мэдрэмж нь тулчихжээ.
— 🇲🇳 Монгол улсын иргэн Зориг 🇲🇳 (@zorig316) March 6, 2021
-73 кг жинд Ц.Цогтбаатар аваргын алтан медаль хүртлээ. Манай багийн хоёр дахь алтан медаль.👍👍👍 pic.twitter.com/yLNM0hjB7S
Харин ОУХМ Б.Ганхайч эмэгтэйчүүдийн 63 кг-д хэсгийн аваргын төлөө Оросын Дариа Давидоватай барилдан давснаар хагас шигшээд шалгарлаа. Улмаар хагас шигшээд Их Британийн Эми Лайвсейтэй хүч үзэн ялагджээ. Дагах барилдаанд Японы Микү Таширотой барилдан ялагдсанаар Их дуулгын шагналт 5 дугаар байрт шалгарлаа. Мөн ОУХМ Н.Дагвасүрэн 81 кг-д 3 тойрог дараалан ялж хэсгээ тэргүүлэн, хүрлийн төлөөх дагах барилдаанд Болгарын Иваяло Ивановт ялагдсан бол энэ жинд аваргална хэмээн найдвар тавьж байсан Иран гаралтай Саиед Моллаи эхний даваанд хийлж, 2 дугаар тойрогтоо Лее Мүүн Жин /БНСУ/-д ялагдаж тэмцээнээ дуусгалаа.
