Улсын Драмын театрын ажилтан болон уран бүлээчид нийлсэн 54 хүнээс коронавирусийн халдвар илэрсэн гэх албан бус мэдээлэл байна. Үүнтэй холбогдуулж, тус театрт өнөөдөр /2021.03.07/ тоглогдох хуваарьтай байсан Анна Каренина жүжгийн тоглолтыг цуцласан байна. Мөн хамгийн ноцтой нь “Анна каренина” жүжиг өчигдөр тоглогдож, олон хүн үзсэн гэх мэдээлэл байна. Ингээд тус театраас дараах гаргасан мэдэгдлийг гаргажээ.
МЭДЭГДЭЛ:
Улсын драмын эрдмийн театрын эрхэм үйлчлүүлэгч, үзэгчид та бүхэнд энэ өдрийн мэндийг хүргэе. Нийслэлийн Сүхбаатар дүүргийн онцгой комиссын 2021 оны 03 дугаар сарын 07-ны өдрийн 13/7/12 дугаартай албан мэдэгдэл, холбогдох хууль дүрэм журмыг үндэслэн коронавируст халдвар /Ковид-19/-ын тархалт нэмэгдэж байгаатай холбогдуулан үзэгчид, уран бүтээлчид, ажилтан, албан хаагчдынхаа эрүүл мэнд, аюулгүй байдлыг хангах зорилгоор 2021 оны 03 дугаар сарын 07-ны өдрөөс 14-ны өдрийг хүртэлх хугацаанд тоглогдох байсан “Анна Каренина” жүжгийн тоглолт цуцлагдсаныг үүгээр мэдэгдэж үзэгч та бүхнээсээ хүлцэл өчье.
Иймд эрхэм үйлчлүүлэгч та бүхэнд дээрх хугацаан дахь худалдан авсан тасалбарыг тоглолт зөвшөөрөгдсөн үед шилжүүлэн үзэх, тасалбар буцаалт хийх боломжтой болохыг үүгээр уламжилж байна.
Жич: “Анна Каренина” жүжгийн (зөвшөөрөгдсөн) тоглолтын хуваарийн мэдээллийг цахимаар урьдчилан мэдэгдэх болно. Мөн тоглолтын тасалбарыг Улсын драмын эрдмийн театрын касснаас худалдан авсан бол (99250387) дугаараар холбогдох, www.ticket.mn сайтаас худалдан авсан бол (90101800, 1900-1800) дугаарт холбогдож буцаалт хийх боломжтой болно. Хүлээцтэй, эерэг хандлагатай үйчлүүлэгч Та бүхэндээ баярлалаа.
