Засгийн газар өдөрт 30 мянга орчимд хүнийг вакцинд хамруулж цаашид одоогийн явцыг хоёр дахин нэмэгдүүлэхээр төлөвлөсөн гэж мэдэгдэж буй. Энэ байдлаараа Улаанбаатар хотын иргэдийг тавдугаар сарын 1-ны өдөр гэхэд вакцины эхний эхний тунд хамруулж дуусгана гэж Ерөнхий сайд Л.Оюун-Эрдэнэ өчигдөр мэдэгдсэн.
Тэгвэл өнөөдрөөс эхлэн 18-49 насны иргэдийг вакцинд хамруулж эхлэхээр болсон байна. Улаанбаатар хотод өнөөдрийн байдлаар дархлаажуулалтын 40-44 цэг ажиллаж байгаа бөгөөд үүнийг хоёр дахин нэмэгдүүлж 80-д хүргэхээр болжээ. Иймд 18-49 насны иргэд эдгээр цэгт очиж вакцинаа хийлгэх боломжтой ажээ.
