Үндэсний их баяр наадам зохион байгуулах хорооны Бөхийн салбар хорооноос мэдээлэл хийж, Үндэсний их баяр наадамд шөвгөрсөн 16 бөхөөс хоёр нь допингийн шинжилгээнд бүдэрсэн гэдгийг зарласан. Харин үүнтэй зэрэгцэж 14 бөх допинг илрээгүй хэмээн фэйсбүүк орчинд мэдэгдсэн бөгөөд Улсын аварга Э.Оюунболд, улсын гарьд б.Гончигдамба нар ямар нэг мэдэгдэл хийгээгүй байсан юм. Тэгвэл Улсын гарьд Б.Гончигдамба зарим хэвлэлд допингийн талаар ярилцлага өгчээ. Тэдгээрээс сийрүүлбэл,
“Надад санаа зовох асуудал огт байхгүй. Би ойрын өдрүүдэд сүлжээгүй газар явж байгаад нөхдүүдээс жаахан сүүлдэж мэдэгдлээ. Энэ нь бусдад хардлага төрүүлээд байх шиг байна. Бөхчүүд рүү энэ сарын 9-нд холбогдож хэлсэн юм шиг байна лээ. Харин би тэр өдөр нь хөдөө байсан учраас утас сүлжээгүй байсан. Тэд 10-ны өдөр надтай холбогдож “Таны допингийн шинжилгээний хариу эерэг гарсан шүү. Амжилт хүсье” гэсэн. Миний хувьд санаа зовох зүйлгүй байна. Баяр наадам зохион байгуулах хороонооос нь хоёр бөхөөс илэрсэн гээд зарлачихлаа. Хэнээс илэрсэн нь мэдэгдэх нь цаг хугацааны л асуудал болжээ” хэмээсэн байлаа.
