Ажил үүргээ гүйцэтгэж явсан цагдаагийн гурван алба хаагч Туул голд живж байсан иргэний амь насыг аварчээ.
Тодруулбал, өнөөдөр 17 цагийн орчимд эрэн сурвалжлах чиглэлээр үүрэг авч Хан-Уул дүүргийн 11-р дүгээр хорооны нутаг дэвсгэр орчимд самналт хийж байсан цагдаагийн гурван алба хаагч Туул голын усанд осолдож байсан 40 орчим насны эрэгтэй хүнийг амь насыг шуурхай аварсан байна. Усанд осолдож байсан иргэн Чулуун овоо орчмоос усанд унаж улмаар биеэ хамгаалах чадваргүй осголтын байдалтай урсаж байсныг алба хаагчид харж шуурхай ажиллаж уснаас гаргаж анхны тусламж үзүүлжээ. Өргөсөн тангарагтаа үнэнч байж өөрийн амь насаа үл хайрлан иргэний эрдэнэт амийг аварсан цагдаагийн алба хаагчид болох Нийслэлийн цагдаагийн газрын Мөрдөн шалгах газрын Хүнд гэмт хэрэгтэй тэмцэх хэлтсийн Эрүүгийн цагдаагийн тасгийн Эрүүгийн мөрдөгч цагдаагийн ахмад Б.Соронзонбаатар, цагдаагийн ахмад С.Оргил, цагдаагийн ахлах дэслэгч Ц.Энхжин нар ийнхүү шуурхай ажиллажээ.
Тэд гол орчмоор явж байх үеэр хүний орилох дуу сонсогдсноор ийнхүү очиж ус руу орж тухайн иргэнийг татаж гаргасан байна.
Тухайн иргэнийг уснаас гаргахад голын ус ихээр үеэрлэсэн байсан учраас хүндрэлтэй байсан аж. Бид энэхүү мэдээллийг дэлгэрэнгүйг эргэн хүргэх болно.
Цагдаагийн алба хаагчид гол орчмоор явж байх үеэр хүний орилох дуу сонсогдсноор ийнхүү очиж ус руу орж тухайн иргэнийг татаж гаргасан байна. Тухайн иргэнийг уснаас гаргахад голын ус ихээр үеэрлэсэн байсан учраас хүндрэлтэй байсан аж. Бид энэхүү мэдээллийг дэлгэрэнгүйг эргэн хүргэх болно.
У.УРАНЦЭЦЭГ
