Одоогийн байдлаар улсын хэмжээнд төсвийн хөрөнгө оруулалттай 482 бүтээн байгуулалт боловсролын салбарт хийгдэхээр төлөвлөөд байгаа юм. Үүнээс нийслэлд 147, орон нутагт 335 бий бол Баян-Өлгий аймагт 23 бүтээн байгуулалт хийгдэж байгаа аж.
Түүнээс Улаанхус сумын 160 хүүхдийн сургуулийн барилгын ажил 40 хувийн гүйцэтгэлтэй явж байна. Улсаас 2020 онд 1 тэрбум 600 сая төгрөгөөр санхүүжүүлсэн ба сүүлд 2021 оны наймдугаар сарын 31-ны байдлаар гөзөр шороо суурин ажил болон карказ угсрах ажил хийгдэж дууссан байна. Мөн 1 дүгээр давхрын өрлөг, дотор шаврын ажил хийгдэж, 2 дугаар давхрын өрлөгийн ажил болон 1 дүгээр давхарын дотор заслын ажил эхэлж байгаа аж.