Хөвсгөл нуурт 1985 онд живсэн “Сүхбаатар” хөлөг онгоцыг татан гаргах ажиллагааг сар гаруйн хугацаанд үргэлжилж саяхан нуурын эрэгт байрлуулсан билээ. Нуурын уснаас хөлөг онгоцыг татан гаргах ажиллагаанд улсын төсвөөс хоёр тэрбум төгрөг зарцуулсан гэх мэдээлэл бий. Тэгвэл “Сүхбаатар” хөлөг онгоцыг уснаас гаргах ажиллагааны макетыг найман сая төгрөгөөр захиалж хийлгэжээ.
Тодруулбал, Онцгой байдлын ерөнхий газраас захиалга өгч, “Нэкст зион” ХХК макетын ажлыг гүйцэтгэсэн байна. Ингэхдээ ажлын хөлсний урьдчилгаа болох 5.6 сая төгрөгийг өнгөрөгч есдүгээр сарын 6 /2021.09.06/-ний өдөр шилжүүлэн авчээ.
