“Өнгөрсөн хэзээ ч үхдэггүй" гэж Нобелийн шагналт зохиолч Уильям Фолкнер хэлсэн байдаг. Энэхүү алдартай ишлэлийн адил дэлхийн өнцөг булан бүрээс гэрэл зурагчид өөрсдийн амьдарч буй дурсгалт газар, түүхэн ландшафт, орхигдсон байгууламжуудыг гэрэл зургийн хальснаа буулгаж, өрсөлджээ.
Энэ жилийн шилдгээр Стив Лиддиардын Уэльсийн “Уайтфорд” цэгийн гэрэлт цамхгийн зураг тодорсон байна. 1865 онд баригдсан энэхүү өвөрмөц байгууламж нь гэрэл зургийн хамгийн алдартай объектуудын нэг байсаар ирсэн. Шилдгээр шалгарсан зургуудтай танилцана уу.
