Коронавирусийн шинэ мутаци бүртгэгдсэнтэй холбоотой УОК 11.00 цагт хуралдсан. Хуралдаанаас гарсан шийдвэрийг танилцуулсны дараа сэтгүүлчид холбогдох албаныханд асуулт тавилаа. Цахим сүлжээнд түгээд буй “мутаци ХДХВ-тэй хавсарсан” гэсэн мэдээллийг Эрүүл мэндийн сайдаас тодруулахад,
Тэрбээр “Нийгмийн сүлжээгээр ДОХ-ын вирустэй хавсарсан гэсэн мэдээлэл цацагдсан. Энэ бол ямар ч ор үндэсгүй мэдээлэл. Вирус өөрөө дархлаа султай хүний биед үүссэн байх магадлалтай гэж үзэж байгаа болохоос ДОХ-той хүнээс халдварлаж, тараагдаж байгаа гэдэг бол огт үндэслэлгүй мэдээлэл. Вирус дархлаа дарангуйлагдах эм хэрэглэсэн, ямар нэгэн архаг суурь өвчтэй, дархлалын системд доголдол үүссэн хүмүүст илүү халдварладаг. Өмнөд Африк ДОХ-ын тохиолдол илүү өндөр байдаг учраас энэ мэдээлэл түгээд байгаа юм” гэв.
