Оросын цэргүүд Украины нийслэл Киев хотын захад зэвсэггүй хоёр энгийн иргэнийг буудан хөнөөсөн бичлэг дэлхий нийтийн анхааралд ороод байна.
CCTV video obtained by @CNN shows Russian troops shooting two unarmed civilian in the back before looting a business in Kyiv.
— KT "Special Intelligence Operation" (@KremlinTrolls) May 12, 2022
The Russian killers appear to be identifiable and will be prosecuted for alleged war crimes.
via @Tango9_Ali | @hrw pic.twitter.com/uycvECNn04
Тодруулбал, Украины прокурорууд дайны гэмт хэрэг үйлдсэн хэмээн шалгаж байгаа тус бичлэгийг CNN агентлаг олж авч, дэлхий нийтэд мэдээлжээ. Энгийн иргэдийг онилохыг хууль бус гэж үздэг дайны дүрэмтэй ч, Оросын цэргүүдэд амиа алдсан хоёр иргэний нэг нь автомашины худалдааны төвийн эзэн байсан бол, нөгөө нь тус газарт харуулаар ажилладаг 68 настай Леонид Олексиович Пляц байжээ.
Түүний охин "Миний аав энгийн иргэн, 68 настай, зэвсэггүй тайван хүн байсан” гэжээ.
Тус хэрэг явдал, Оросууд Киевийг эзлэх гэсэн 3 дугаар сард болсон байна. Энэ үеэр Киев хотын захад Украины арми Оросын давшилтыг зогсоохоор ширүүн тулалдаж байжээ. Харин гуравдугаар сарын 16 /2022.03.16/-нд автомашины худалдааны төвийн гадаа болсон явдал нь цэрэг, зэвсэглэсэн энгийн иргэдийн хоорондох тулаан биш байсан байна.
Бичлэгт харуулснаар, Оросын таван цэрэг тус газарт ирж, барилга руу нэвтэрч, цоож руу нь буудаж, шил хагалж байгааг харуулжээ. Ингээд украины хоёр иргэн гараа өргөөд ойртоход тэд түүнийг зогсоож, зэвсэг хайж байгаа мэт харагдах аж. Ингээд цэргүүд эргэж, хоёр энгийн иргэн харуулын байр руугаа буцаж явахад нь хоёр цэрэг тус хоёр иргэний араас буудаж, тэд газарт унах нь бичлэгт үлджээ. Дараа нь цэргүүд барилга дотор хуяг дуулгаа тайлж байгаа нь харагдана. Тэдний нэг нь тавиур дээрээс малгай шүүрэн авч өмсөнө, мөн хоёр цэрэг юм ууж, бие биедээ хундага өргөж байгаа бололтой үйлдэл гарах ажээ. Мэдээллийг ЭНД ДАРЖ үзнэ үү.
Эх сурвалж: CNN