Нийслэлийн Баянгол дүүргийн долдугаар хороонд таван давхар орон сууцны барилгын хоёрдугаар давхрын цонхоор бага насны хүүхэд унах гээд байна гэсэн дуудлагыг 2019 оны аравдугаар сарын 13-ны өдрийн 18.25 цагт хүлээн авчээ.
Уг дуудлагын дагуу Нийслэлийн Онцгой байдлын газрын Аврах ангийн найман алба хаагч, хоёр автомашинтай зургаан км зам туулан 18:41 цагт очиход тус байрны оршин суугч иргэн М-ийн С /6 настай, эмэгтэй/ цонхны тавцан дээр зогсч байсныг эсэн мэнд буулгаж ар гэрийнхэнд нь шилжүүлэн өгсөн байна.
