Туул голын усанд автомашинтайгаа живж байсан иргэнийг аварчээ

Туул голын усанд автомашинтайгаа живж байсан иргэнийг аварчээ

Баянзүрх дүүргийн 20 дугаар хороо, Гачуурт тосгоны “Могойн дэнж” гэх газар нэг зорчигчтой суудлын автомашин “Туул” голын усанд живсэн тухай дуудлага өчигдөр/2022.06.19/ 20:17 цагт ОБЕГ-т ирсэн байна.

Нийслэлийн аврах ангийн алба хаагчид 27 км замыг туулан очиход “Приус-41” загварын суудлын автомашин “Туул“ голын усанд живж, жолооч М /35 настай, эрэгтэй/ автомашиныхаа бүхээг дээр гарсан байсныг 30 минут ажиллан аюулгүй газарт эсэн мэнд гаргажээ. Мөн автомашиныг нь татан гаргасан хэмээн ОБЕГ мэдээлэв.