Тавантолгой түлш ХХК-ийн үйлдвэрлэж байгаа сайжруулсан шахмал түлшийг хэрэглээнд нэвтрүүлснээр Улаанбаатар хот утаанаас сална гэсэн ч одоогоор 200 гаруй хүн угаарын хийд хордож, долоон хүн амь насаа алдаад байна.
Учир нь сайжруулсан түлшийг хэрхэн хэрэглэх талаар сургалт, сурталчилгаа хийгээгүй мөн бүх төрлийн зууханд хэрэглэж болно гэсэн мэдээлэл нь иргэдийг ийнхүү эрсдэлд оруулаад байна.
Харин ОХУ-ын 1.7 сая хүнтэй Красноярск хот оршин суугчдаа зориулалтын зуух хэрэглэх шаардлага тавьж шахмал түлшийг хэрэглээнд нэвтрүүлснээр туршилт амжилттай болж тус хотын утааны хэмжээ 6 дахин буурсан үзүүлэлт гарчээ.
