УИХ-ын сонгуулийг нэр дэвшигч болон намыг сонгодог "холимог систем"-ээр хийж болно гэж ҮХЦ шийдвэрлэв

УИХ-ын сонгуулийг нэр дэвшигч болон намыг сонгодог "холимог систем"-ээр хийж болно гэж ҮХЦ шийдвэрлэв

УИХ-ын 2012 оны сонгууль "холимог систем" буюу нэр дэвшигч болоод улс төрийн намыг сонгож  парламентын гишүүдийг бүрдүүлсэн. Харин 2016 онд тус систем нь Үндсэн хууль зөрчиж байна хэмээн Цэц үзэж хүчингүй болсон. Тэгвэл өнөөдөр /2022.06.27/ Үндсэн хуулийн цэцийн их суудлын хуралдаан болж, 2016 онд гарсан цэцийн шийдвэрийг хүчингүй болгосон байна. Ингэснээр ирэх сонгуулиуд холимог системээр явагдах нөхцөл бүрджээ.

Энэ талаар ҮХЦ-ийн албан ёсны мэдээлэлд,   "Монгол Улсын Үндсэн хуулийн цэцийн 2022 оны 6 дугаар сарын 27-ны өдрийн Их суудлын хуралдаанаар Монгол Улсын Их Хурлын сонгуулийн талаарх зохицуулалт  Үндсэн хуулийн холбогдох заалтыг зөрчсөн эсэх тухай маргааныг дахин хянан хэлэлцэв.

Үндсэн хуулийн цэцийн их суудлын хуралдаанаас 2019 онд Монгол Улсын Үндсэн хуульд оруулсан нэмэлт, өөрчлөлтийн хүрээнд Үндсэн хуулийн Хорин нэгдүгээр зүйлийн 4 дэх хэсгийг өөрчлөн найруулснаар Монгол Улсын Их Хурлын сонгуулийн эрх зүйн шинэ орчин бүрдсэн бөгөөд Улсын Их Хурлын сонгуулийн тогтолцоо, түүний хувилбарыг сонгон хуульчлах хууль тогтоогчийн буюу Улсын Их Хурлын бүрэн эрхийг баталгаажуулсан байна гэж үзэж Монгол Улсын Үндсэн хуулийн цэцийн 2016 оны 05 дугаар дүгнэлт болон 2012 оны 02 дугаар дүгнэлт, 03 дугаар тогтоолыг хүчингүй болгохоор шийдвэрлэсэн байна. Мөн Үндсэн хуулийн цэц энэхүү шийдвэртээ Улсын Их Хурлын сонгуулийн тогтолцооны асуудал нь Улсын Их Хурлын бүрэн эрхэд хамаарч байгааг эцэслэн шийдвэрлэсэн болохоо тэмдэглэсэн байна" гэжээ.




Өнөөдөр луу өдөр

50 минутын өмнө