Архангай аймагт болсон хүчтэй шороон шуурганы улмаас хоёр суманд 31 гэр нурсан тухай Онцгой байдлын ерөнхий газраас мэдээллээ.
Тодруулбал, Тус аймгийн нутагт долдугаар сарын 2,3-нд болсон хүчтэй шороон шуурганы улмаас Тариат суманд 28 гэр, Цахир суманд гурван гэр нурж, дахин ашиглах боломжгүй болжээ.
Архангай аймгийн Тариат сумын Алтай багийн “Наран” гэдэг газарт долдугаар сарын 02-ны өдрийн 13:30 цагийн орчимд 18-20 м/сек хүчтэй түр зуурын шороон шуурга шуурсны улмаас 28 гэр нурсан тухай дуудлагыг долдугаар сарын 04-ний өдрийн 12:50 цагт хүлээн авсан байна.
Шуурганд малчин М-ын 5 ханатай 1 гэр, иргэн М-ын “Майхан толгой” амралтын газрын 27 гэр нурж, эвдэрсэн тухай мэдээллийг Тариат сумын Засаг даргын Тамгын газрын дарга аймгийн Онцгой байдлын газарт мэдээлжээ.
Мөн тус аймгийн Цахир сумын Хан-Уул багийн “Цойруутын-Ам” гэдэг газар долдугаар сарын 03-ны өдрийн 13:00 цагийн орчимд 14-16 м/сек хүчтэй түр зуурын шороон шуурга шуурсны улмаас тухайн газарт нутаглаж байсан 2 өрхийн 3 гэр нурсан тухай мэдээллийг долдугаар сарын 04-ний өдрийн 09:40 цагт хүлээн авсан байна.
Шуурганд малчин М-ын 5 ханатай 1 гэр, малчин Х-ийн 5 ханатай 2 гэр нурж, ашиглах боломжгүй эвдэрсэн тухай мэдээллийг Цахир сумын Засаг даргын Тамгын газрын дарга аймгийн Онцгой байдлын газарт хүргүүлжээ.