"Монгол улсад ирэх нислэгт хязгаарлалт тавихгүй, бүх улсын онгоцыг хүлээн авах" хуулийн төслийг өргөн барьжээ

"Монгол улсад ирэх нислэгт хязгаарлалт тавихгүй, бүх улсын онгоцыг хүлээн авах" хуулийн төслийг өргөн барьжээ

Засгийн газраас 2023, 2024, 2025 оныг “Монголд зочлох жил” болгон зарласан. Энэ хүрээнд аялал жуулчлалын салбарын эрх зүйн орчныг сайжруулах зорилгоор 2000 онд батлагдсан "Аялал жуулчлалын тухай" хуулийн шинэчилсэн найруулгын төслийг бэлэн болгож, өчигдөр /2022.11.29/ УИХ-ын дарга Г.Занданшатарт өргөн барьж, яаралтай горимоор хэлэлцүүлж өгөхийг хүссэн. 

Энэхүү хуулийн төслийн хүрээнд:

  1. Нэгдүгээрт, жуулчдын худалдан авсан бараа, бүтээгдэхүүний НӨАТ-ыг 100 хувь буцаан олгоно.
  2. Хоёрдугаарт, “E-Visa” олгох улс орнуудын тоог хоёр дахин нэмэгдүүлж, цахим системээр 48 цагийн дотор онлайнаар виз олгоно.
  3. Гуравдугаарт, агаарын тээврийн либеральчлалыг эхлүүлж, гурван жилийн хугацаанд Монгол орныг зорих нислэгт хязгаарлалт тавихгүй, бүх улсаас ирэх агаарын хөлгийг хүлээн авна.

Энэ талаар Ерөнхий сайд Л.Оюун-Эрдэнэ өөрийн твиттер хуудастаа мөн мэдээлжээ.