Архангай аймагт 34 настай эрэгтэй сураггүй алга болжээ

2019-11-18 11:32

Архангай аймагт сураггүй алга болсон С-ын цогцыг цагдаад шилжүүлэн өгчээ

Архангай аймгийн Хайрхан сумын Асгат багийн Хагийн нуур гэдэг газарт 34 настай эрэгтэй С арваннэгдүгээр сарын 8-ны өдөр 14.00 цагт гэрээсээ гараад сураггүй алга болсон тухай бид өмнө нь мэдээлсэн.

Иргэн С-н алга болсон тухай дуудлагыг түүний ар гэрийнхэн нь энэ сарын 13-ны өдрийн 10:20 цагт аймгийн Онцгой байдлын газарт өгчээ. Тус аймгийн Онцгой байдлын газрын нэг алба хаагч, Эрэн хайх, аврах салбарын долоон алба хаагч, нэг эрэлч нохой, нэг автомашин, орон нутгийн 10 иргэн  хоёр автомашин, ар гэрийн 20 хүн, хоёр автомашин, дөрвөн мотоцикл, нийт 38 хүн,  нэг эрэлч нохой, есөн автомашинтай энэ сарын 16-ны өдрийн 08:00 цагаас эрэн хайх ажиллагааг эхлүүлжээ. Алга болсон иргэн С-ын цогцсыг гэрээс баруун хойд зүгт 3,5 км-т  “Хоёр модны гарам” гэдэг газраас олж, цагдаагийн байгууллагад шилжүүлэн өгсөн байна.

2019-11-14 11:53

Архангай аймагт 34 настай эрэгтэй сураггүй алга болжээ

Архангай аймгийн Хайрхан сумын Асгат багийн Хагийн нуур гэдэг газарт 34 настай эрэгтэй С арваннэгдүгээр сарын 8-ны өдөр 14.00 цагт гэрээсээ гараад сураггүй алга болжээ. Түүнийг алга болсноос хойш зургаа хоногийн дараа буюу өчигдөр /2019.11.13/ аймгийн Онцгой байдлын газарт хандсан байна. Тус аймгийн Онцгой байдлын газрын алба хаагчид, сайн дурын иргэд нийлсэн нийт 32 хүн гурван бүлэгт хуваагдан, эрэн хайх ажиллагааг зохион байгуулсан ч харанхуй болсон учраас эрлийг түр зогсоожээ. Өнөөдөр 07.00 цагт эрэн хайх ажиллагааг дахин эхлүүлсэн байна.




ШУУД: ЭМЯ-наас ээлжит мэдээллээ хийж байна

19 цагийн өмнө

Шуурхай мэдээ