Монгол Улс эдийн засгийн гадаад харилцааны хувьд “саарал жагсаалт”-д орсон. Ингэснээр гадны хөрөнгө оруулалт зогсох, валютын ханш өсөх нөхцөл бүрдээд буй. Харин УИХ дахь МАН-ын бүлэг болоод Засгийн газрын зүгээс Монголбанкны Ерөнхийлөгч, Санхүүгийн зохицуулах хороо /СЗХ/-ны дарга нарыг албан тушаалаас нь огцруулж, асуудлаа намжаагаад буй.
Товчхондоо Т.Баяртсайхан, С.Даваасүрэн нар нь “саарал жагсаалт”-д орсон хариуцлагыг хүлээх ёстой гэсэн утга илэрхийлж, тэдэнд хариуцлага тооцсоноор иргэдэд буруутай хүмүүсийг ажлаас нь халсан гэсэн хариулт өгөөд өнгөрч байна.
Иймд СЗХ-ны дарга асан С.Даваасүрэн дараах мэдэгдлийг гаргажээ.
