Коронавирусийг эмчлэх аргуудыг боловсруулж дуусах хүртэл БНАСАУ гадаадын иргэдэд хилээ нээхгүй гэж тус улсын Эрүүл мэндийн дэд сайд Ким Хён Хун мэдэгджээ.
“Хилийн шалган нэвтрүүлэх цэгүүд, мөн далайн боомтууд, нисэх онгоцны буудлаар гадаадын иргэдийг БНАСАУ-д нэвтрэхийг хориглосон журмыг коронавирусийг эмчлэх аргыг боловсруулж, вакцин, эм бэлдмэлийг гарган авах хүртэл мөрдөнө” гэж тэрбээр мэдэгдсэн байна.
БНАСАУ-д одоогоор хилийн чанадаас ирсэн иргэд болон тэдэнтэй ойрын хавьталтай байсан хүмүүсээс коронавирусийн халдварын нэг ч тохиолдол илрээгүй гэдгийг эх баригчид мэдээлж буй. Мөн тус улс нэгдүгээр сарын 13-наас хойш Хятадаас ирсэн иргэн бүрийг нэг сарын турш тусгаарлаж, эмнэлгийн хяналтад байлгах шийдвэрийг гаргасан юм.
