257 Монгол иргэн өнөөдөр Токиогоос эх орондоо ирнэ

257 Монгол иргэн өнөөдөр Токиогоос эх орондоо ирнэ

Токио-Улаанбаатар чиглэлийн ОМ502 нислэг Нарита олон улсын нисэх буудлаас 257 монгол иргэнийг эх оронд нь авчрахаар өнөөдөр хөөрлөө. Орон нутгийн цагаар 16:25 цагт хөөрсөн ОМ502 аялалын дугаартай онгоц Улаанбаатарт 20:50 цагт газардах юм.

Монгол Улсад шинэ коронавирусийн халдвар бүртгэгдсэнтэй холбоотойгоор гуравдугаар сарын 13-ны өдрөөс эхлэн олон улсын нислэгийг зогсоосон. Уг шийдвэртэй холбоотойгоор Засгийн газар, Улсын Онцгой комиссоос өгсөн чиглэлийн дагуу гадаад улсад байгаа хүндэтгэх шалтгаантай иргэдээ эх оронд нь авчрах ажлыг зохион байгуулж байгаа юм.

Тусгай нислэгээр ирж буй иргэдийг шууд тусгаарлах байр руу хүргэж 14 хоног ажиглалтад байлгана.  Өчигдөр эхний ээлжийн 244 иргэнийг БНСУ-аас авчирсан бол өнөөдөр өглөө Берлин-Москва чиглэлийн нислэгээр иргэд эх орондоо ирсэн. Токиогоос нийт 257 иргэн эх орондоо ирснээр Турк улсаас нислэг үйлдэх үлдээд байна.