Дэлхийн 170 гаруй оронд тархсан коронавирусийн эсрэг вакциныг гаргаж авахаар БНХАУ, АНУ тэргүүтэй орнуудын эрдэмтэн, судлаачид ажилласаар байна. Тэгвэл БНСУ-ын Сөүл хотод байрлах “EWHA” их сургуулийн судлаач эрдэмтэд хүний бүдүүн гэдэсний бактерийн идэвжлийг судлах явцдаа санамсаргүйгээр коронавирусийг дарангуйлдаг бактерийг чацаргана жимснээс илрүүлжээ. Эх сурвалжийг ЭНД ДАРЖ үзнэ үү.
ЧАЦАРГАНАД АГУУЛАГДДАГ ПРОБИОТИК БАКТЕРИ НЬ КОРОНАВИРУС ХҮНИЙ БИЕД ҮРЖИХ, ДАХИН МУТАЦИ ҮҮСГЭДЭГ ПУРИНИЙ ИДЭВХИЙГ ДАРАНГУЙЛДАГ
Судалгаанд өгүүлснээр чацаргана жимсэнд агуулагддаг олон тооны "лактобациллус гассери" буюу сүүн хүчлийн ашигтай бактери нь коронавирусийг мутацид оруулдаг пурин хэмээх химийн нэгдлийн идэвхтэй байдлыг дарангуйлж байгааг тогтоосон аж.
БНХАУ-ын Тяньжин хотын Нанкай их сургуулийн судалгааны баг долоон хоногийн өмнө коранавирус эбола болон ДОХ-той ижил төстэй байдлаар мутацлагдан, өөрчлөгдөж байгааг олж тогтоосон билээ. Энэхүү судалгааны үр дүнд коронавирус нь ДОХ болон эбола вирусийн адил хүний биед оршин тогтнохын тулд уураг үүсгэдэг бөгөөд үүсгэсэн уураг нь эсийн мембрантай холбогдож, өөрийгөө хувилах энерги олж авахын тулд пурин хэмээх химийн нэгдлийг идэвхжүүлдэг байна. Тиймээс хэд хэдэн оронд коронавирусийн халдвар авсан өвчтөнүүдэд “ДОХ”-ын эсрэг хэрэглэдэг дархлааны эмүүдийг эмчилгээнд ашиглаж байгаа.
Үүний дагуу “EWHA” их сургуулийн Юун Ха на тэргүүтэй судлаачид “ДОХ” болон коронавирусийн уургийн идэвхжлийн төсөөтэй бүтцийг ажиглан судалгаа хийжээ.
Судалгаа хийх явцад хэд, хэдэн сүүн хүчлийн ашигт бактери агуулсан жимснүүдийг туршиж үзсэн бөгөөд чацаргана жимсэнд агуулагдах есөн төрлийн антиоксидант, зургаан төрлийн эрдэс бодис, 16 амин хүчлийг илрүүлжээ. Тодруулбал чацаргана жимсэнд С, А, Е, К, В1, В2, ВЗ, В4, В5, В6, В9, Д, Р амин дэмүүдээс гадна алимны хүчил, каротин, тос бопон төмөр, кали гэх мэт олон бичил элементүүд агуулагддаг. Үүнээс гадна биофлавонойд хэмээх биологийн идэвхт бодис нь дархлааг дэмжинэ гэжээ.
Профессор Юун Ха На “Чацаргананд агуулагддаг пробиотик бактери нь коронавирус хүний биед үржих, дахин мутаци үүсгэдэг пуриний идэвхийг дарангуйлдаг болох нь тогтоогдсон. Тэгэхээр дэлхийн олон улсад тархаж, үхлийн аюул учруулж буй уг вирусийн эсрэг нэмэлт эмчилгээ болох боломжтой. Харин цаашид нэмэлт судалгаа хийгдэх шаардлагатай байна” хэмээн ярьсан байна.
Мөн Өмнөд Солонгосын Гачон их сургуулийн профессор Ли Жил Я энэхүү нээлтийн тусламжтай зөвхөн коронавирус төдийгүй гепатит, эбола, ДОХ зэрэг вирусийн эсрэг эмчилгээнд ашиглах боломжтой талаар онцолжээ.
Эх сурвалж: Koreabiomed, news.naver
Ихва их сургуулийн Сөүл дэх эмнэлэгт Чацарганаас коронавирусын эсрэг биет илрүүлсэн гэх мэдээ гарсан байна. Бид орчуулаад бас лавшруулан тодруулна. Гэхдээ л аятайхан мэдээ болохоор энд байршуулчихлаа.https://t.co/9fWGKJCBVX
— Tsogtbaatar Damdin (@TsogtbaatarD) March 18, 2020
