Ч.Өнөрбаяр: Г.Занданшатар та надтай нээлттэй мэтгэлцээч

Ч.Өнөрбаяр: Г.Занданшатар та надтай нээлттэй мэтгэлцээч

Шинэ Үндсэн хуульд нэмэлт, өөрчлөлт оруулах тухай хууль тавдугаар сарын 25-наас хэрэгжихтэй холбоотойгоор түүнийг дагаж мөрдөх журмын тухай болон бусад хуулиудад өөрчлөлт оруулах шаардлагатай байгаа. Ялангуяа Засгийн газрын бүтэц, бүрэлдэхүүнтэй холбоотой заалтууд сүүлийн үед маргаан дагуулаад байгаа юм.

Энэ талаар хуульч Ч.Өнөрбаяр мэдээлэл хийлээ. 

Тэрээр "Хэдхэн хоногийн өмнө МУ-ын Ерөнхий сайд У.Хүрэлсүх олон нийтийн мэдээллийн хэрэгслээр мэдээлэл хийхдээ Засгийн газрыг огцрохтой холбоотой асуудал дээр дагавар хуулиар шийднэ гэж хэлсэн. Тийм юм байхгүй. Энэ заалт энэ оны тавдугаар сарын 25-наас эхлэн мөрдөгдөнө гэж Үндсэн хууль дээр заасан байгаа. Ерөнхий сайд та үндсэн хуулиа уншаагүй байна.

Мөн Ерөнхий сайд У.Хүрэлсүх "УИХ-аас хэрвээ холбогдох хуулиуд нь орж ирвэл тэр хуулийг дагаж мөрдөнө" гэж хэлсэн. Уучлаарай. УИХ-аас танд гэрийн даалгавар өгсөн байна.

УИХ-аас Монгол Улсын Үндсэн хуульд оруулсан нэмэлт өөрчлөлтөд нийцүүлэн холбогдох хууль тогтоомжийн төслийг боловсруулж, УИХ-д өргөн мэдүүлэх ажлыг Ерөнхий сайд У.Хүрэлсүхэд хариуцуулсан. Хуулийн төслийг УИХ боловсруулж оруулж ирэх биш, ерөнхий сайд та өөрөө гардаж зохион байгуулаад, хуулийн төслүүдийг боловсруулж УИХ-д өргөн мэдүүлэх ёстой.Хэрэв би худлаа яриад, гүтгэж байгаа бол УИХ-ын дарга Г.Занданшатар та надтай нээлттэй мэтгэлцээч" гэв.