Туркээс ирсэн эмэгтэйгээс коронавирусийн шинж тэмдэг илэрсэн тул Сэлэнгэ аймагт тусгаарлажээ

Туркээс ирсэн эмэгтэйгээс коронавирусийн шинж тэмдэг илэрсэн тул Сэлэнгэ аймагт тусгаарлажээ

Энэтхэг улсад нөхрөө эмчлүүлээд буцахдаа Турк улсаар дамжин Монгол ирээд Сэлэнгэ аймагт очсон эмэгтэйгээс коронавирусийн шинж тэмдэг илэрсэн тул түүнийг тусгаарлажээ.

Энэ талаар Сэлэнгэ аймгийн Онцгой байдлын газрын дарга, хурандаа Г.Баатараас зарим хэвлэлүүд тодруулахад, тэрбээр “Мандал суманд нөхрөө үзүүлэхээр эмнэлэгт очсон эмэгтэйд цээжээр өвдөх шинж тэмдэг илэрсэн тул суманд нь тусгаарлаад байна.

Аймгийн төвөөс дөрвөн хүний бүрэлдэхүүнтэй баг Мандал сум руу явсан.

Эмч нарыг ирэхээр сэжигтэй тохиолдол гэж үзэх эсэх нь тодорхой болох юм. Мөн сорьц авч, ХӨСҮТ рүү явуулна. Энэ эмэгтэй Энэтхэгт нөхрөө эмчлүүлээд Туркээр дамжин гуравдугаар сарын 10-нд Улаанбаатарт ирсэн. Мандал суманд өнөөдөр нөхрөө үзүүлэхээр эмнэлэгт ирэхдээ халуурч, цээжээр өвдөж байна гэдгээ хэлсэн” гэжээ.