Үндсэн хуулийн цэцээс “УИХ-ын сонгуулийн 42 дугаар тойргийн нөхөн сонгуулийн тов тогтоож, шаардагдах төсвийг баталсан нь Үндсэн хууль зөрчсөн” гэсэн дүгнэлт гаргасан. Тус дүгнэлтийг өнөөдрийн чуулганаар хэлэлцэж УИХ хүлээж авсангүй.
“Цэцийн дүгнэлтийг Хууль зүй болон Төрийн байгуулалтын байнгын хороогоор хэлэлцээд хүлээж авах боломжгүй хэмээн үзсэнийг дэмжье” гэсэн томьёоллоор санал хураалт явууллаа. Ингээд хуралдаанд оролцож буй гишүүдийн 72.3 хувийн саналаар Үндсэн хуулийн цэцийн дүгнэлтийг хүлээж авсангүй.
