Монгол Улсын Засгийн газар ба Pfizer Inc компанийн хооронд байгуулсан гэрээний хүрээнд нийлүүлэх 2,5 сая Файзер-Comirnaty вакцины 2 дахь ээлжийн 85,410 тунг өчигдөр /2021.06.23/ хүлээн авчээ.
Эхний ээлжийн 84,240 тун энэ сарын 16-нд ирсэн бол уг вакцины үлдсэн хэсэг нь 2021 оны хоёрдугаар хагаст ирэхээр төлөвлөж байгаа аж.
Тус 2.5 сая тун вакциныг “КОВИД-19 цар тахал болон нийгмийн эрүүл мэндийн онцгой байдлын үеийн чадавхийг бэхжүүлэх” төслийн гэрээний дагуу Японы засгийн газрын буцалтгүй тусламжаар санхүүжүүлж, НҮБ-ын Хүүхдийн сан хэрэгжүүлж байгаа юм.
МУЗГ ба Pfizer Inc компанийн хооронд байгуулсан гэрээний хүрээнд ээлжит 85,410 тунг өнөөдөр хүлээн авлаа.
— UNICEF Mongolia (@UNICEF_Mongolia) June 23, 2021
Файзер вакцинаар эцэг эх, асран хамгаалагчийн зөвшөөрлөөр 16, 17 настай хүүхдүүд, жирэмсэн болон хөхүүл эх, хүнд өвчтэй иргэдийг одоогоор вакцинжуулж байна. pic.twitter.com/P9Z0VYVXOe
