Коронавирусийн халдвараас сэргийлэх бүх нийтийн дархлаажуулалтын ажлын хүрээнд өчигдөр /2021-07-21/ 92,490 тун Файзер вакциныг хүлээн авлаа.
НҮБ-ын Хүүхдийн Сангаас зохион байгуулж, Япон Улсын Засгийн Газрын санхүүжүүлсэн тус ажлын хүрээнд хоёр сая 350 мянган тун Файзер вакциныг худалдан авна. Энэхүү үйл ажиллагаа нь 2021 оны зургаадугаар сарын 16-наас эхэлсэн ба одоогийн байдлаар зургаан удаагийн татан авалтаар 417,690 тунг хүлээн авсан юм.
Файзер вакцины дараагийн татан авалт долдугаар сарын 28-нд бөгөөд 132,210 тунг хүлээн авна. Энэ шугамаар Файзе вакциныг худалдан авч нийлүүлэх ажиллагаа 2021 оны 3-4 дүгээр улирал дуустал үргэлжлэх юм байна. Ингэснээр цаашид 12-17 насны нийт 290 мянга орчим хүүхэд, жирэмсэн эхчүүд болон вакцинд хамрагдаагүй бусад иргэдийг бүрэн вакцинжуулах нөөц бүрдэнэ.
