Одоогийн байдлаар улсын хэмжээнд төсвийн хөрөнгө оруулалттай 484 бүтээн байгуулалт боловсролын салбарт хийгдэхээр төлөвлөөд байгаа юм. Үүнээс нийслэлд 148, орон нутагт 336 бий бол Баян-Өлгий аймагт 23 бүтээн байгуулалт хийгдэж байгаа аж.
Түүнээс Цэнгэл сумын 100 ортой цэцэрлэгийн барилгын ажил 60 хувийн гүйцэтгэлтэй явж байна. Улсаас 1 тэрбум төгрөгөөр санхүүжүүлж байгаа ба сүүлд 2021 оны есдүгээр сарын 27-ны байдлаар бетон араг бүтээцийн ажлууд хийгдэж дууссан. Өрлөгийн ажлууд хийгдсэн. Цонхоо суулгаж, дээврийн ажил хийгдсэн. Дотор, гадна шавар халаалтын тогооны барилга угсралтын ажил хийгдэж байгаа аж.
