2022 оны Элсэлтийн Ерөнхий Шалгалт/ЭЕШ/-ын журмын 1 дүгээр зүйлийн 1.5, 1.6 дахь заалтыг үндэслэн 2022 оны дөрөвдүгээр сарын 2-ны монгол хэл бичгийн шалгалтад хамрагдаж чадаагүй болон босго онооны болзол хангаагүй шалгуулагчид дахин бүртгэлд хамрагдах боломжтой.
ЭЕШ өгч буй сурагчид, иргэд заавал монгол хэл бичгийн шалгалтыг өгч байж дараагийн шалгалтдаа орох эрх нь нээгдэх юм.
Уг хичээлийн эхний шалгалтыг дөрөвдүгээр сарын 2-нд авсан бөгөөд дүн оноог 2022 оны дөрөвдүгээр сарын 13-ны өдөр eyesh.eec.mn цахим хуудсанд байршуулах юм байна.