Ерөнхий сайд Л.Оюун-Эрдэнийн АНУ-д хийж буй айлчлал хоёр дахь өдрөө үргэлжилж байна. Өчигдөр /2023.08.02/ тэрбээр АНУ-ын Дэд ерөнхийлөгч Камала Харристай уулзаж, яриа хэлэлцээ хийсэн бол өнөөдөр /2023.08.03/ АНУ-ын Батлан хамгаалахын сайд Л.Остинтой уулзах хөтөлбөр гараад байна.
Сонирхуулахад, Ерөнхий сайд Л.Оюун-Эрдэнийг АНУ-ын Батлан хамгаалахын сайд Л.Остин Пентагонд хүндэт харуулын өмнө хүлээн авах ажээ. Тэгвэл Монгол Улс, АНУ хоорондын Стратегийн гуравдагч хөршийн түншлэлийн тухай хамтарсан мэдэгдлийг "Цагаан ордон"-оос гарсан байна. Холбоотой мэдээллийг ЭНД ДАРЖ үзнэ үү.
Тус мэдэгдэлд, "АНУ Монгол дахь англи хэлний туслах багшийн хөтөлбөрөө 50 хувиар нэмэгдүүлэхээр ажиллаж байна. АНУ-аас Монгол Улсад боловсрол, солилцооны үйлсэд жил бүр зориулдаг 2 сая гаруй ам.долларын санхүүжилтийг түшиглэн, ялангуяа монголчууд АНУ-д дээд боловсрол эзэмших боломжийг нэмэгдүүлэн, АНУ, Монгол хоёр улс боловсролын хамтын ажиллагааг өргөжүүлэх хамтын амлалтаа дахин нотлов" гэжээ.