Монголын хөлбөмбөгийн “Дэрэн” клуб энэ долоо хоногийн мягмар гарагт /2019.11.19/ Португал улсын хөлбөмбөгийн дасгалжуулагч Паула Силваг дасгалжуулагчаар сонгон авч байгаагаа зарласан байна. Паула Силва нь хөлбөмбөгийн дасгалжуулагчийн замналаа 2008 оноос ХБНГУ-ын “Vfb Stuttgart” хүүхдийн академиас эхэлсэн байна. Тэрбээр Англи, Австри, Португал, Герман, Коста-Рика, Зимбабве, Замби, Нигери, Хятад зэрэг оронд дасгалжуулагчаар ажиллаж байсан аж. Монголд ирж ажиллахаасаа өмнө Хятад улсын “Xiapu Fc” багийг дасгалжуулж байжээ.
