Өчигдөр /2022.01.13/ УИХ-ын Төрийн байгуулалтын байнгын хорооны хурлаар “МҮОНРТ-ийн Үндэсний зөвлөлийн гишүүнээс чөлөөлөх, гишүүнээр томилох тухай” Улсын Их Хурлын тогтоолын төслийг хэлэлцсэн байна.
Учир “МҮОНРТ-ийн Үндэсний зөвлөлийн гишүүн Ж.Соёл-Эрдэнэ, Б.Галаарид нарын бүрэн эрхийн хугацаа дуусгавар болсон тул тэдний оронд Ерөнхийлөгч У.Хүрэлсүх Д.Жавзандорж, Н.Онон нарыг томилох санал оруулж, нэр дэвшүүлсэн байна. Харин жүжигчин Н.Онон зарим хүмүүсийн эсэргүүцэлтэй тулгарчээ. Иймд тэрбээр “МҮОНРТ-ийн гишүүнд нэр дэвшсэн нь үнэн. Сонгогдох эсэх нь тодорхойгүй байгаа учраас хэрхэн ажиллах талаар мэдээлэл өгөх боломжгүй байна” гэж байр сууриа зарим хэвлэлд илэрхийлжээ.
