Засгийн газрын ээлжит хуралдаан өнөөдөр /2022.03.02/ болж өндөрлөлөө. Хуралдаанаас гарсан шийдвэрийг Гадаад харилцааны сайд Б.Батцэцэг, Сангийн сайд Б.Жавхлан нар танилцуулж байна.
ГХ-ны сайд Б.Батцэцэг " Хоёрдугаар сарын 25-наас Монгол Улс Украин дахь иргэдээ татаж эхэлсэн. Өнөөдрийн байдлаар хүсэлт гаргасан иргэдээ бүгдийг нь татаж авлаа. Харьковт байсан 15 оюутан энэ мөчид Польш улсын хилээр орж ирж байна. 15 минутын өмнө Украинаас гарсан гэсэн үг. Нийт 58 иргэнийг Польшийн хилээр татаж авч эх оронд нь ирүүлэх ажиллагааг ГХЯ, Польш дахь Элчин сайдын яам амжилттай зохион байгууллаа.
Польш улсын хил нэвтэрсэн нийт иргэдээс 18 нь Монгол руу ниссэн, гурав нь Монголд ирсэн. Харин 15 нь Истанбулд байгаа. Маргааш эх орондоо ирнэ.
Киев хотоос хүсэлтээ гаргасан бүх иргэд ирсэн. Нэмээд иргэд эх орондоо ирэх хүсэлтээ өгч байна. Одоогоор Киев хотоос дахиад гурван иргэн эх орондоо ирэх хүсэлтээ гаргасан бөгөөд нэг нь Киргиз улсын иргэн юм.Эдгээр иргэнийг татаж авна. Уг ажлыг ГХЯ-ны Төрийн нарийн бичгийн дарга Н.Анхбаяр ахалж ажиллаж, 24 цагийн утас ажиллуулан холбогдож ажилласан. Мөн Украин дахь Монголын Өргөмжит консул сайн ажилласан " гэлээ.
ҮЗЭХ:
