Өнгөрсөн сарын 18-ны өдөр /2022.02.18/ МАН-ын Хяналтын хороо хуралдаж, нэр бүхий иргэдийг тус намын гишүүнчлэлээс хассан бол, Хөгжлийн банкны зээлийн асуудалд нэр холбогдоод байгаа МАН-аас нэр дэвшиж, УИХ-д сонгогдон өндөр албан тушаал хашиж буй гишүүдэд"тайлбар" ирүүлэх хугацаатай үүргийг өгсөн.
Тодруулбал, УИХ-ын гишүүн С.Бямбацогт, Г.Амартүвшин, Х.Ганхуяг, Х.Дамдинням, гишүүн асан Н.Билэгт, А.Сүхбат нар мөн Барилга хот байгуулалтын дэд сайд асан Ш.Лхамсүрэн, НИТХ-ын даргын зөвлөх Ш.Үнэнбат тэргүүтэй найман хүнээс тайлбар ирүүлэхийг шаардаж, үүрэг өгсөн.
Тэгвэл тайлбар ирүүлэх үүрэг хүлээсэн зарим гишүүнийг МАН-ын гишүүнчлэлээс түдгэлзүүлэх шийдвэрийг Хяналтын хорооноос ойрын хугацаанд гаргахаар болсон гэж эх сурвалж мэдээлллээ.
Тухайлбал, Ш.Үнэнбат, А.Сүхбат нараас эхэлж түдгэлзүүлэх бололтой. Энэ талаарх дэлгэрэнгүй мэдээллийг удахгүй хүргэж болно.
.jpg)
