Тархины саажилттай хүүхдүүдийн шаардлагатай эм, тариа тасарч хүндхэн нөхцөл байдалд байгаа тул эцэг, эхчүүдийн төлөөлөл нь өчигдрөөс /2022.06.09/ эхлэн Төрийн ордны гадна суулт зарлаж буй.
УИХ-ын гишүүн, Нийгмийн бодлогын байнгын хорооны дарга М.Оюунчимэг, Эрүүл мэндийн сайд С.Энхболд, Хөдөлмөр, нийгмийн хамгааллын сайд А.Ариунзаяа нар өчигдөр шөнө тэдэнтэй уулзаж баасан гаригт шаардлагын хариуг өгнө гэсэн хариултыг өгсөн. Гэсэн ч эцэг, эхчүүд заавал Ерөнхий сайд Л.Оюун-Эрдэнэтэй уулзахыг шаардсаны дагуу яг одоо талууд уулзаж байна.
Уулзалтаас гарсан шийдвэрийг удахгүй эргэн мэдээлэх болно.
