Чингэлтэй дүүргийн Засаг дарга Н.Батсүмбэрэлийн урилгаар Япон Улсын Шизуока мужийн Яйзү хотын Засаг дарга Накано Хиромичи болон тус хотын ИТХ-ын төлөөлөгч нар Чингэлтэй дүүрэгт айлчиллаа.
Чингэлтэй дүүрэг Яйзү хоттой 2018 оноос хойш соёл урлаг, спортын чиглэлээр хамтран ажиллаж ирсэн. Энэхүү айлчлалын үеэр дүүргийн боловсрол, соёл урлаг, эрүүл мэнд, спортын чиглэлээр хоёр талын удирдлагууд харилцаагаа шинэ шатанд гаргаж, боловсрол, эрүүл мэнд, худалдаа, аж үйлдвэр зэрэг илүү олон салбарт хамтран ажиллах талаар санал хэлэлцлээ.
Уулзалтаар талууд хоорондын цаашдын найрсаг харилцаа, хамтын ажиллагааг өргөжүүлэн хөгжүүлэх, гамшгийн эрсдэлээс урьдчилан сэргийлэх, хүмүүнлэгийн үйл ажиллагааг түгээн дэлгэрүүлэх, цаашид хамтран ажиллах харилцан ойлголцлын санамж бичигт гарын үсэг зурлаа.
Уулзалтад дүүргийн Засаг дарга Н.Батсүмбэрэл, Засаг даргын орлогч Д.Отгонбаатар, Засаг даргын зөвлөх Х.Алтаншагай, Засаг даргын Тамгын газрын дарга П.Баянбаатар, Төрийн захиргааны удирдлагын хэлтсийн дарга Н.Хангай, Санхүү, төрийн сангийн хэлтсийн дарга Б.Нацагдорж, Нийгмийн хөгжлийн хэлтсийн дарга Л.Баярмаа, дүүргийн Биеийн тамир, спортын хорооны дарга Ц.Баянмөнх, Жижиг дунд үйлдвэрийг дэмжих төвийн захирал Т.Уламбаяр, Хүүхдийн номын өргөө ТБАГ-ын захирал Б.Болортунгалаг, Японы Улсын талаас Яйзү хотын ИТХ-ын дарга Икэгаяа Казүмаса, ИТХ-ын төлөөлөгч Шибүя Хидэхико, ИТХ-ын төлөөлөгч Фүкада Юрико, ИТХ-ын төлөөлөгч, Мацүшима Казүхиса, ИТХ-ын төлөөлөгч Оота Коозабүроо, Яйзү хотын захиргааны Хамтын ажиллагааны газрын дарга Мацүнага Тошифүми, Спортын хэлтсийн дарга Кавамори Күнито, Спортын хэлтсийн мэргэжилтэн Окамото Казүки, Олон улсын харилцааны мэргэжилтэн Б.Янжинлхам, Хэвлэл мэдээллийн хэлтсийн мэргэжилтэн Инабэ Ацүши, Яйзү хотын Олон улсын найрамдлын нийгэмлэгийн тэргүүн Сүзүки Казүко, Ойгава худалдаа аж үйлдвэрийн танхимын ерөнхийлөгч Сакакибара Шёожи, Спортын холбооны дэд тэргүүн Шимомура Кацүхико, Спортыг дэмжих хорооны тэргүүн Кобаяши Тошиюки нар оролцлоо.
