Монгол-Оросын хамтарсан 3 дугаар сургууль сурагчдаа “Эрүүл шүд” хөтөлбөрт хамруулсан анхны сургууль болов

Монгол-Оросын хамтарсан 3 дугаар сургууль сурагчдаа “Эрүүл шүд” хөтөлбөрт хамруулсан анхны сургууль болов

Шүдний өвчлөл нь улаан хоолой, толгой, хүзүү болон уушигны хорт хавдар үүсэх эрсдэлтэй холбоотой болохыг Японы эрдэмтэд тогтоосон байдаг.

Харин манай улсад сүүлийн жилүүдэд хүүхэд, ялангуяа 02-12 насныхны дунд шүд, амны хөндийн өвчлөл ихэсчээ. Тодруулбал, 2016 онд нийслэлийн төвийн зургаан дүүргийн 3-5 настай хүүхдийн дунд хийсэн судалгаагаар шүд цоорох өвчний тархалт 92.9 хувь, эрчим 8.2 гарсан байдаг.

Иймд энэ оны тавдугаар сараас эхэлж орон даяар “Эрүүл шүд-Эрүүл хүүхэд” үндэсний хөтөлбөрийг хэрэгжүүлж эхэлсэн. Тодруулбал, 2019-2023 он хүртэл таван жилийн хугацаанд 02-12 насны хүүхдийн шүдийг эмчилж, эрүүлжүүлэн хүн амыг амны хөндийн эрүүл ахуйг сахих дадал хэвшилд сургах, шүдний өвчлөлөөс урьдчилан сэргийлэх зорилготой энэ хөтөлбөрийг хэрэгжүүлж байгаа ажээ.  

Харин Монгол-Оросын хамтарсан 3 дугаар сургууль 900 гаруй хүүхдээ "Эрүүл шүд Эрүүл хүүхэд" хөтөлбөрт хамруулж, шүдийг нь эмчилсэн анхны сургууль болсон батламжийг өнөөдөр 13:00 цагт Эрүүл мэндийн яамны 215 тоот хурлын танхимд гардуулах ажээ.