Шивээхүрэн-Сэхээ боомт чиглэлийн долоон км төмөр замын нээлт энэ сарын 27-ны өдөр болж Ерөнхий сайд Л.Оюун-Эрдэнэ оролцоно

Шивээхүрэн-Сэхээ боомт чиглэлийн долоон км төмөр замын нээлт энэ сарын 27-ны өдөр болж Ерөнхий сайд Л.Оюун-Эрдэнэ оролцоно

Өмнөговь аймгийн Шивээхүрэн-Сэхээ боомт чиглэлийн долоон км төмөр замын бүтээн байгуулалтын нээлтийг энэ амралтын өдөр буюу 27-нд нээх гэж байна. Нээлтэд Ерөнхий сайд Л.Оюун-Эрдэнэ, ЗТХ-ийн сайд С.Бямбацогт нарын албаныхан оролцох аж. 

Уг замын бүтээн байгуулалтын ажлыг ийнхүү эхлүүлж ирэх аравдугаар сард ашиглалтад оруулахаар төлөвлөж буй аж. 

Энэ талаар Зам, тээврийн хөгжлийн сайд С.Бямбацогт "Шивээхүрэнгээс Сэхээ чиглэлийн төмөр зам барьж байгуулах эрхийг Нарийн сухайт төмөр замын компанид олгосон. Энэхүү төмөр замыг Нарийн сухайтын бүлэг ордоос Хятад улс руу нүүрс экспортлох зорилгоор хийж буй.Гол төмөр зам 7 км, салбар төмөр зам 20 орчим км байх ба 200 гаруй тэрбумын хөрөнгө оруулалтаар хувийн хэвшил хийж хэрэгжүүлж байгаа бөгөөд төмөр замыг зургаан жил ашигласны дараа 100 хувь төрийн өмчид үнэ төлбөргүй шилжүүлэн өгөх юм.

Мөн Шивээхүрэн, Нарийн сухайт, Арц суурь чиглэлийн 1250 км төмөр зам барьж байгуулах ажлыг энэ оны гуравдугаар улиралд багтаан эхлүүлэх төлөвлөгөөтэй байна. Хөөт, Бичигт, Зүүн хатавч чиглэлийн 426 км төмөр замын ажлыг эхлүүлэхээр сонгон шалгаруулалт зарлаж компанийг сонгосон байгаа. Зургаадугаар сард багтаан концессын гэрээг байгуулна. Ийнхүү Монгол улсын засгийн газрын мөрийн хөтөлбөрт тусгагдсан хил холболтын төмөр зам барьж байгуулах ажлууд эрчимтэй явагдаж байна" гэлээ.