УИХ-ын 2016 оны сонгуулийн үеэр Монголын Либерал намын АН-тай эвсэж буйгаа зарлаж байсан. Тодруулбал, Монголын Либерал намын дарга Б.Амгаланбаатар болон тус намын нарийн бичгийн дарга С.Золжаргал нар АН-д элсэж, З.Энхболдоос батламжаа гардан авч байв.
Тэгвэл 2016 онд АН-тай эвсэж, намынх нь дарга, нарийн бичгийн дарга нь АН-д элссэн Монголын Либерал нам татан буугдаагүй өдийг хүрсэн байна. Тодруулбал, өнгөрсөн долоо хоногт Монголын Либерал нам нэрээ “Ардчилсан монгол ялна” нам болгон өөрчлөхөөр Улсын дээд шүүхэд хандсан байна. Хачирхалтай нь, Монголын Либерал намын даргаар АН-ын гишүүнээр элссэн Н.Амгаланбаатар өнөөдрийг хүртэл бүртгэлтэй байгаа юм.
