"Сонгуулийн тухай хуульд нэмэлт өөрчлөлт оруулах тухай" хуулийн төслийн эхний хэлэлцүүлгийг УИХ-ын нэгдсэн чуулганаар хэлэлцэж байна.
Одоогийн мөрдөгдөж буй Сонгуулийн тухай хуульд эмэгтэй нэр дэвшигчдийн квот 20 хувь байгаа бөгөөд шинэчилсэн хуулийн төсөлд 40 хувь болгож нэмэгдүүлэх тухай туссан юм.
УИХ-аар эхний хэлэлцүүлэг хийх үеэр гишүүдийн олонх дээрх заалтыг дэмжсэн тул хоёр дахь хэлэлцүүлэгт бэлтгүүлэхээр холбогдох байнгын хороонд шилжүүлнэ. Үүний дараа УИХ дахин нэг удаа хэлэлцэж албан ёсоор батлах юм.
