УИХ-ын энэ хаврын чуулган долдугаар сарын 7 /2023.07.07/-ны өдөр хаахаар төлөвлөжээ. Энэ талаар УИХ-ын дарга Г.Занданшатар "Ирэх долдугаар сарын 7-ны өдөр чуулган хаахаар төлөвлөж байгаа учир чухал хуулийн төслүүдийн хэлэлцүүлгийг яаравчлах чиглэлд Байнгын хороонд шахаж ажиллах шаардлагатай" гэв. Товчхондоо, чуулганы нэгдсэн хуралдаанаар Төсвийн тодотгол, Сонгуулийн тухай хууль зэрэг хуулийг батлаад хаах аж.
