МАН-ын удирдах зөвлөл өнөөдөр /2024.07.02/ 08:00 цагт Ерөнхий сайд Л.Оюун-Эрдэнийн төрийн ордонд дахь өрөөнд хуралдах тов байсан.
Тэгвэл товын дагуу удирдах зөвлөл хуралдаж, УИХ-ын даргаар Д.Амарбаясгаланг, Ерөнхийлөгчийн тамгын газрын даргаар УИХ-ын дарга асан Г.Занданшатарыг, МАН-ын Ерөнхий нарийн бичгийн даргаар Я.Содбаатарыг томилох шийдвэрийг тус тус гаргажээ.
Эх сурвалжийн мэдээлж буйгаар МАН-ын удирдах зөвлөл чуулганы анхны хуралдааны дараа дахин хуралдаж, бүлгийн дарга, дэд даргыг томилох шийдвэрийг гаргах аж. Бүлгийн даргад УИХ-ын гишүүн С.Бямбацогт, Э.Бат-Амгалан нарын нэр яригдаж байгаа юм. Дашрамд дурдахад, 126 гишүүний тангараг өргөх ёслол өнөөдөр 10:00 цагт төрийн ордонд болно.
