Ойрын өдрүүдэд нутгийн өмнөд хэсгээр хална. Маргааш буюу энэ сарын 5-нд төвийн аймгуудын нутгийн зарим газраар, энэ сарын 6-нд баруун болон төвийн аймгуудын нутгийн хойд, говийн аймгуудын нутгийн зүүн хэсэг, зүүн аймгуудын нутгийн зарим газраар, энэ сарын 7-нд баруун болон төвийн аймгуудын нутгийн зарим газраар, 8-нд баруун аймгуудын нутгийн зүүн хэсэг, төвийн аймгуудын ихэнх нутаг, говь, зүүн аймгуудын нутгийн зарим газраар бороо, дуу цахилгаантай аадар бороо орно.
Мөн ойрын өдрүүдэд үргэлжлэн орсон борооны улмаас, үер болж Батширээт сумын Эгийн голын төмөр гүүр, Барх голын модон гүүр эвдэрчээ. Мөн Хурхын голын модон гүүр үерт урсаж, Онон, Барх, Хурх Норовлин 4 багийн айл өрх усанд хаагдаад байгаа гэх мэдээлэл байна.
